İordan çayının qərb sahilində gərginlik artır

 Son bir neçə saat ərzində İordan çayının qərb sahili Ramallah, Tulkərəm və Qilqiliyyə də daxil olmaqla bir neçə bölgəyə qarşı İsrail ordusunun kütləvi hücumuna səhnə olub.

Sizinyolun xarici KİV-lərə istinadən verdiyi məlumata əsasən, sionist işğalçıların İordan çayının qərb sahilinin müxtəlif bölgələrinə basqınları zamanı bir neçə fələstinli həbs edilib və işğalçı qüvvələr arasında şiddətli toqquşmalar baş verib.

Fələstin mediası sionist qüvvələrin bu gün səhər saatlarında Ramallah şəhəri yaxınlığındakı Həzmə kəndinə basqın etdiyini bildirib.

İşğalçı qüvvələr həmçinin Tulkərəmin şərqində yerləşən Kəfr əl-Bələddəki fövqəladə qaçqın düşərgəsinə basqın edib və üç gənc fələstinlini həbs ediblər.

Qilqiliyyənin şərqindəki “Azun” kəndində də fələstinli gənclərlə işğalçı qüvvələr arasında intensiv toqquşmaların olduğu bildirilir.

Bu arada fələstinli gənclər məskunlaşanların təcavüzünə cavab olaraq Beytləhmin cənub-şərqindəki “Təqva” kəndi yaxınlığında sionistlərin avtomobilini yandırıblar.