İordan çayının qərb sahilində sionistlərlə fələstinlilər arasında qarşıdurma yaşanıb

Sionist rejimin mətbuatı Nablusdakı hərbi bazada açılan atəş nəticəsində bu rejimin bir əsgərinin yaralandığını bildirib.

Sionist rejimin mətbuatı Nablusdakı hərbi bazada atışma zamanı bu rejim əsgərinin yaralandığını bildirib.

Sionist qüvvələr həmçinin ötən gecə və bu cümə səhəri İordan çayının qərb sahilinin müxtəlif bölgələrində ikisi qardaş olmaqla 5 fələstinlini həbs ediblər. Bu həbslərin əksəriyyəti Hebronun Bəni-Nəim, Nablusun Bərqa kəndində və Cənində Yəbud qəsəbəsində olub.

Sionist ordu həmçinin Hebronda iki gənci həbs etdiyini elan edərək, onlardan birinin Kiryat Ərbə qəsəbəsi istiqamətində atəş açdığını iddia edib.

Əl-Cəzirə telekanalının məlumatına görə, bəzi fələstinli tibb mənbələri də Ramullahın şimalında yerləşən Ən-Nəbi Saleh kəndində bir uşaq və bir nəfərin yaralandığını bildirib.

Cümə axşamı İsrail qüvvələri İordan çayının qərb sahilinin müxtəlif bölgələrində 33 fələstinlini həbs edib.

Sionist rejimin mətbuatı da sionist rejimin İordan çayının qərb sahilinin şimalında geniş hərbi əməliyyatlar həyata keçirmək planını açıqlayıb.

Sionist “Maariv” qəzeti yazıb ki, belə bir əməliyyatın həyata keçirilməsi bir neçə gün çəkə bilər və bu əməliyyatın mərkəzi Cənin düşərgəsində və Nablusun köhnə hissəsində olacaq.

Bu qəzet əlavə edib ki, bu əməliyyatın məqsədi təkcə axtarışda olan şəxslərin tutulması və ya öldürülməsi deyil, həm də bu ərazilərin təmizlənməsi, silah və partlayıcı maddələr istehsal edən laboratoriyaların axtarışıdır.

Bu qəzetə görə, sionist rejim kabinetinin sağ qanadının ifrat təzyiqi və İordan çayının qərb sahilində anti-sionist əməliyyatlarının artması səbəbindən bu əməliyyatın həyata keçirilməsi ehtimalı yüksəkdir, lakin eyni zamanda, əgər bu əməliyyat həyata keçirilərsə, Fələstin Muxtariyyətinin tamamilə zəiflədilməsi və Qəzzədə hərtərəfli qarşıdurma və ya Livan Hizbullahı ilə qarşıdurma da daxil olmaqla bəzi ehtimallar var.