İordan çayının qərb sahilində və işğal olunmuş ərazilərdə müqavimət əməliyyatlarının sayı astronomikdir
Sionist rejimin daxili təhlükəsizlik xidmətinin rəhbəri etiraf edib ki, bu xidmət İordan çayının qərb sahili və işğal olunmuş ərazilərdə ağlasığmaz və astronomik həcmdə fədakar əməliyyatlarla üz-üzədir.
Mehr xəbər agentliyinin Fələstinin Əl-Yəvm xəbər saytına istinadən verdiyi məlumata görə, Şabak kimi tanınan sionist rejimin daxili təhlükəsizlik xidmətinin rəhbəri deyib: Şabak və işğalçı ordu hər il 3000-dən çox fələstinlini həbs edir.
Bu xəbərə görə, Ronin Bar ibrani “Yediot Aharonot” qəzetinə müsahibəsində etiraf edib ki, xüsusilə Şabak və ümumilikdə sionist rejimin təhlükəsizlik xidmətinin zərərsizləşdirməli olduğu müqavimət tədbirləri və hücumlar həyata keçirmək cəhdlərinin sayı astronomikdir.
Bu İbrani qəzetinin xəbərinə görə, Şabak rəhbəri təhlükəsizlik xidmətinin rəhbərləri ilə qapalı görüşdə işğalçı rejimin təhlükəsizliklə bağlı son hadisələri və rejimin gərginliyi artırmasından yaranan yüzlərlə irimiqyaslı hücumu zərərsizləşdirmək qorxusunu nəzərdən keçirib.
Şabak rəhbərinin bu açıqlamaları hərbi analitik və “Maariv” qəzetinin müxbirinin bir reportajda sionist rejim ordusu ilə Fələstin müqavimət qrupları arasında Qəzzada gərginlik və yenidən qarşıdurmanın əslində ötən cümə axşamı sionist yaşayış məntəqələrinə raket hücumlarından sonra başladığını yazdığı bir vaxta təsadüf edir.
