İran: Amerikanın terrorizmə əsas dəstəkçi olması aydın məsələdir
İranın BMT-dəki nümayəndə heyəti ABŞ-ın İrana qarşı ittihamlarına cavab olaraq vurğulayıb: Terrorizmin əsas dəstəkçisi və təbliğatçısı İslam Respublikasının deyil, ABŞ olduğu aydım məsələdir.
Təsnim İnformasiya Agentliyinin məlumatına görə, İranın BMT-dəki nümayəndəsi Təhlükəsizlik Şurasına yazdığı məktubda Amerikanın İrana qarşı ittihamlarına cavab olaraq vurğulayıb: Amerika Birləşmiş Ştatlarının regionda terrorun əsas dəstəkçisi və təbliğatçısı olduğu beynəlxalq səviyyədə aydın məsələdir.
İranın Təhlükəsizlik Şurasına məktubunun mətni belədir:
Hazırkı yazışma Birləşmiş Millətlər Təşkilatının Təhlükəsizlik Şurasının 2024-cü il avqustun 8-də “terror aktları nəticəsində beynəlxalq sülh və təhlükəsizliyə qarşı təhdidlər” mövzusunda açıq iclasının yekunları üzrə hazırlanıb. Bu görüşdə Amerika Birləşmiş Ştatlarının nümayəndəsi Rusiya Federasiyası nümayəndəsinin bəyanatlarına cavab olaraq iclasın gündəliyindən kənara çıxaraq, İran İslam Respublikasının regionda terrora dəstək olması barədə əsassız, çaşdırıcı və saxta ittihamlar irəli sürüb.
