İran aviaşirkətlərinin Avropaya uçuşu dayandırılıb

İran aviaşirkətlərinin Avropaya uçuşu dayandırılıb.

Bunu İran aviaşirkətləri assosiasiyasının katibi Maksud Əsədi Samani İLNA-ya müsahibəsində bildirib.

Onun sözlərinə görə, Avropaya İranın yalnız “İran air” şirkətinin təyyarələri uçurdu. Ancaq Avropa İttifaqının sanksiyalarına görə bu şirkətin də uçuşu dayanıb.

Qeyd edək ki, bir müddət öncə Avropa İttifaqına üzv ölkələrin xarici işlər nazirləri Lüksemburq görüşündə Rusiyaya ballistik raket tədarük etdiyi üçün İrana qarşı sanksiya tətbiq edib.