İran Netanyahunun Yaxın Şərqlə bağlı qondarma xəritə nümayişinə reaksiya verib

İranın Londondakı səfirliyi sionist rejimin baş nazirinin işğal olunmuş ərazilər ilə bağlı qondarma xəritə nümayiş etdirməsinə reaksiyasında bu sualı qaldırıb ki, müstəqil Fələstin dövləti hansı torpaqda qurulacaq?

İran İslam Respublikasının İngiltərədəki səfirliyinin X sosial şəbəkəsindəki rəsmi hesabı sionist rejimin baş nazirinin son mövqeyinə cavab olaraq yazıb: “Netanyahu xarici media müxbirləri qarşısında çıxışı zamanı İordan çayının qərb sahilinin ümumiyyətlə mövcud olmadığı xəritədən istifadə edib. Halbuki, bəziləri hələ də hiyləgərliklə iki dövlətli həll yolundan danışırlar! Bu müstəqil Fələstin dövləti hansı torpaqda qurulacaq?”