İran PUA-sı ABŞ aviadaşıyıcıyısını ələ keçirdi – FOTO

Az.shafaqna.com “ParsToday”-a istinadən xəbər verir ki, İran İslam İnqilabı Keşikçiləri Ordusunun (Sepah) Hərbi-Dəniz Qüvvələrinin (HDQ) komandanı vitse-admiral Əlirza Təngsiri bildirib ki, ABŞ-ın HDQ-a məxsus aviadaşıyıcı gəmi dəstəsi Hörmüz boğazından keçməzdən öncə İran istehsalı PUA-lar tərəfindən tutulub.

“Ələ keçirmə zamanı “Nimits” və onu müşahidə edən gəmilər Hörmüz boğazını keçməzdən və Fars körfəzinə daxil olmazdan öncə eyniləşdirilib”, – deyə o bildirib.

Təngsiri əlavə edib ki, Sepahın bütün hərbi-dəniz missiyaları yerli istehsal olan İran PUA-ları ilə müdafiə ediləcək.

O qeyd edib ki, yerli istehsal olan 188 PUA və zərbə vertolyotlatının İran ordusuna təhvil verilməsi Sepah HDQ-a hərbi-dəniz və hava missiyalarının birləşdirilməsi üçün xüsusi imkanlar verəcək.

“Fars körfəzində, Hörmüz boğazında və Oman körfəzində bütün dəniz yerdəyişmələrinin izlənilməsi artıq bu dronlar vasitəsi ilə mümkün oldu və bu, bizim kəşfiyyat sahəsindəki imkanlarımızın miqyasını nəzərəçarpacaq qədər genişləndirdi”, – deyə o bildirib.