İran səfiri: “Fələstin dövləti təşkil edilməyənə qədər, bu mübarizə dayanmayacaq”

Bu gün bir çox müsəlman ölkələrində İsrail dövləti tərəfindən işğal edilmiş Fələstin torpaqlarının azadlığı naminə Beynəlxalq Qüds Günü qeyd edilir.

Bu günün təsis olunmasında məqsəd məzlum Fələstin xalqının məzlumluğunu dünya ictimaiyyətinə çatdırmaqdır. Yəni Beynəlxalq Qüds Günü dedikdə təkcə Fələstin xalqının İsrail rejimi tərəfindən əzildiyi, zülmə məruz qaldığı nəzərdə tutulmur. Bu gün həm də dünyanın istənilən ölkəsində əzilən, haqqı tapdalanan, işğala məruz qalan insanlar varsa onların da haqq səsi bütün dünyaya çatdırılır. 

Beynəlxalq Qüds günü ilə bağlı İran İslam Respublikasının Azərbaycandakı səfiri Seyid Abbas Musəvi İnterAz-a müsahibəsində bildirib ki, Fələstinlilər öz torpaqlarına qayıtmayana qədər, Fələstin xalqının rəylərindən irəli gələn Fələstin dövləti təşkil edilməyənə qədər, bu mübarizə dayanmayacaq.

Seyid Abbas Musəvi həmçinin əlavə edib ki, İran İslam Respublikası bu məsələnin həlli üçün 4 bənddən ibarət həll yolu təklif edib. Bu təklif isə BMT-yə təqdim edilib.

Sonda qeyd edək ki, bu gün zülmkarlara qarşı etiraz günüdür. 

Hər il olduğu kimi bu il də müsəlmanlar öz haqq səslərini Koronavirus pandemiyası ilə əlaqədar fərqli aksiya və tədbirlər şəklində keçirirlər.

Salamnews