İran sionist terrorçu rejimini məsuliyyətə cəlb etmək üçün bütün imkanlarından istifadə etməkdə qərarlıdır

İran İslam Respublikasının Xarici İşlər Nazirliyi sionist rejimin törətdiyi terror aktı şəhidlərinin xatirəsini ehtiramla yad edərək vurğulayır ki, zamanın keçməsi heç bir halda bu rejimin İran xalqına və region xalqlarına qarşı bu cinayətini və digər cinayət əməllərini unutdurmayacaq, İran İslam Respublikası ədalətin bərqərar olması və İsrail terror rejiminin məsuliyyətə cəlb edilməsi üçün bütün imkanlarından istifadə etmək əzmindədir.

Xarici İşlər Nazirliyi sionist rejimin Dəməşqdəki İran səfirliyinə hücum cinayətinin ildönümü ilə bağlı bəyanat yayıb. Bəyanatda bildirilir: “Bir il əvvəl, 1403-cü il fərvərdin ayının 13-də (1 aprel 2024) cinayətkar sionist rejim beynəlxalq hüququn ən fundamental prinsip və qaydalarını kobud şəkildə pozaraq, İran İslam Respublikasının Dəməşqdəki səfirliyinə hücum etdi və bu, İran İslam Respublikasının bir neçə vətəndaşı, terrorla mübarizə üzrə hərbi məsləhətçiləri, bir neçə Suriya vətəndaşının şəhid olması və yaralanması ilə nəticələndi. 

Bəyanatın davamında sionist rejimin İran İslam Respublikasının səfirliyinə hərbi-terror hücumunun Birləşmiş Millətlər Təşkilatının Nizamnaməsinin prinsiplərinin, xüsusən də güc tətbiqinin qadağan edilməsi prinsipinin açıq şəkildə pozulması, beynəlxalq hüququn qayda və normalarının, xüsusilə Diplomatik Münasibətlər haqqında 1961-ci il Konvensiyasının və Beynəlxalq Mühafizə olunan Şəxslərə Qarşı Cinayətlərin Qarşısının Alınması və Cəzalandırılması Haqqında 1973-cü il Konvensiyasının kobud şəkildə pozulması olduğu qeyd olunaraq, bildirilir: “Sionist aparteid rejiminin davamlı və çoxsaylı qanun pozuntuları qarşısında BMT Təhlükəsizlik Şurasının davamlı fəaliyyətsizliyi – bu, ABŞ, İngiltərə və bəzi digər Qərb hökumətlərinin işğal olunmuş Fələstində və ətraf regionda, xüsusilə Livan və Suriyada İsrail rejiminin soyqırım törətməsinə, işğal və müharibəni qızışdırmasına hərtərəfli dəstəyini əks etdirir – sionist rejimin beynəlxalq hüququn, insan haqlarının və humanitar hüququn fundamental prinsip və normalarını kobud şəkildə pozmasının davam etməsində əsas amildir.”