İran Təl-Əvivin Livana qarşı müharibəsinin beynəlxalq təhlükəsizlik baxımından nəticələri barədə xəbərdarlıq edib

Xarici İşlər Nazirliyinin sözçüsü sionist rejimin Livana qarşı yeni müharibə alovlandırmasının beynəlxalq təhlükəsizlik və sülh üzərindəki nəticələri barədə xəbərdarlıq edib.

Xarici İşlər Nazirliyinin sözçüsü İsmayıl Bəqai sionist rejimin Livanın müxtəlif bölgələrində onlarla mülki vətəndaşın şəhid olması və yaralanması ilə nəticələnən geniş hərbi təcavüzünü qətiyyətlə pisləyib.

Xarici İşlər Nazirliyinin sözçüsü sionist rejimin Livan və Suriyaya qarşı təkrar təcavüzünü, eyni zamanda Qəzzə və İordan çayının qərb sahilində soyqırımının genişlənməsini beynəlxalq sülh və təhlükəsizliyə real təhdid adlandırıb. O, son iki ayda sionist rejim tərəfindən atəşkəsin yüzlərlə dəfə pozulmasına toxunaraq, son 3 gündə Livanın müxtəlif bölgələrinə qarşı hərbi hücumların intensivləşdirilməsini işğalçı rejimin üsyankarlığının və heç bir beynəlxalq hüquqi prinsip və normaya məhəl qoymamasının daha bir bariz əlaməti hesab edib və beynəlxalq ictimaiyyətin, xüsusilə BMT Təhlükəsizlik Şurasının və atəşkəs razılaşmasının təminatçısı ölkələrin bu təcavüzlərin dayandırılması üçün dərhal və effektiv fəaliyyət göstərməsi üçün məsuliyyət daşıdığını vurğulayıb.

Bəqai həmçinin İsrailin hərbi hücumları nəticəsində günahsız Livan xalqının şəhid olması ilə bağlı şəhidlərin ailələrinə və Livan hökumətinə və xalqına başsağlığı verib, yaralananlara şəfa və sağlamlıq arzulayıb.