İran xalqı Tehranda və digər şəhərlərdə əvvəlki illərdən fərqli şəkildə yürüş etdilər

Bu il koronavirusun yayılması səbəbi ilə əvvəlki illərə nisbətən fərqli bir şəkildə təşkil edilən İran İslam İnqilabının zəfərinin 42-ci ildönümünün anılması xarici medialarda əks olunub.

Sizinyol.com xəbər verir ki,  “Anadolu” xəbər agentliyi, Tehranda keçirilən İslam İnqilabın qələbəsinin ildönümü mərasimindən hazırladığı bir reportajda belə yazır: İranda “22 Bəhmən” ilə əlaqədar hər il keçirilən böyük yürüşlər əvəzinə bu il mərasimlər Tehran və digər əhəmiyyətli şəhərlərdə avtomobil yürüşləri ilə qeyd edildi.

Çərşənbə günü səhər, Tehranın Azadlıq Meydanında çoxlu sayda motosiklet və avtomobillər İran bayraqları dalğalandıraraq yürüş etdilər. Yürüşdə vətənpərvər şüarlar səsləndirildi.

Oxşar motosiklet və avtomobil yürüşləri İranın Qum, İsfahan, Məşhəd və Şiraz da daxil olmaqla digər şəhərlərində də keçirilib.

Qələbə axşamı isə hər il olduğu kimi İran səması mərasimi xatırlamaq üçün atəşfəşanlığa şahid oldu.