İran yeni radar sistemini təqdim etdi
Eastnews.org-un verdiyi xəbərə görə, İranın yerli istehsalı olan “Misak” və “Suruş” radar sistemləri bu gün İranın Hava Müdafiə komandiri briqada generalı Əlirza Sabahifərdin iştirak etdiyi bir mərasimdə təqdim edilib.
Sabahifərd çıxışında “Suruş” radar sistemi 220 km-dən artıq mənzilə sahib orta mənzilli aşkarlama və axtarış radarıdır. Hər cür hava şəraitində elektron müharibə tətbiqetmələrinə müqavimət göstərmək qabiliyyətinə sahibdir”, – deyə bildirib.
General “Misak” radar sistemi barədə isə “Yüksək məlumat emal gücünə sahib olan “Misak” radar sistemi də işçi qüvvəsinə ehtiyac duymadan məlumatı alaraq, ölkənin vahid hava hücumundan müdafiə şəbəkəsinə təqdim edə bilir”, – söyləyib.
