İranın Bakıdakı səfirliyindən İran Milli İqtisadiyyat olimpiadası komandasına təbrik

İranın Azərbaycan Respublikasındakı səfiri Müctəba Demirçilu, 2025-ci il Beynəlxalq İqtisadiyyat Olimpiadasında (IEO 2025) iştirak edən İran komandasının uğurunu təbrik edib. Qeyd edək ki, bu yarışmanın səkkizinci mərhələsi Azərbaycan Respublikasının ev sahibliyi ilə keçirilib.

Səfir komandamızın üzvləri ilə görüşündə, İranın beynəlxalq elmi yarışlarda iştirakının əhəmiyyətinə toxunaraq, bu gəncləri ölkəmizin elm sahəsindəki fəxri adlandırıb və onlara gələcək fəaliyyətlərində uğurlar arzulayıb.

Qeyd edək ki, İranın milli olimpiada komandası – Əbulfəzl Mudir Rusta, Əlirza Əhmədi, Parsa Sədaqət, Məhəmməd Payəndə Peyman və Parsa Əjdəri – iki gümüş və iki bürünc medal qazanaraq ölkəmiz üçün yeni bir uğura imza atıblar.