İranın BMT-dəki səfiri: İsrailin Suriyaya təkrar hücumları pislənməlidir

İranın BMT-dəki səfiri və daimi nümayəndəsi İsrail rejimi tərəfindən Suriyanın Colan təpələrinin işğalının davam etməsinin beynəlxalq hüququn və Təhlükəsizlik Şurasının 497 (1981) saylı qətnaməsinin açıq şəkildə pozulması olduğunu bildirib: “İsrail rejiminin təkrar hücumları, o cümlədən mayın 2-də Prezident Sarayının yaxınlığındakı hava hücumu qəti şəkildə pislənməlidir. Bu hərəkətlər regional sülhü təhdid edir və ABŞ-ın dəstəyi ilə mümkün olur.

Biz ABŞ, Avropa İttifaqı və İngiltərənin bəzi birtərəfli sanksiyaları ləğv etmək və ya dayandırmaq barədə son açıqlamalarından xəbərdarıq. Bu tədbirlər geciksə də, müsbət addım hesab olunur.

Suriya xalqının əzab çəkməsindən siyasi məqsədlər üçün istifadə edilməməlidir. Biz bütün birtərəfli sanksiyaların tam və qeyd-şərtsiz ləğvini tələb edirik. Bu qanunsuz hərəkətlər Birləşmiş Millətlər Təşkilatının Nizamnaməsini və beynəlxalq hüququ pozur. Bu gün 16 milyondan çox suriyalının təcili yardıma ehtiyacı var. Sanksiyaların istənilən yumşaldılması insanların həyatında real və dərhal yaxşılaşmaya səbəb olmalıdır. Bu tədbirlər həm də qaçqınların geri qaytarılmasına və Suriyanın iqtisadiyyatının və infrastrukturunun yenidən qurulmasına kömək edərək, davamlı sülh və sabitliyə yol açmalıdır.”