İranın vurduğu Hayfa neft emalı zavodunun tam işləməsi aylar çəkəcək

Times of Israel” qəzetinin yazdığına görə, iki həftə əvvəl İranın raket hücumu nəticəsində zədələnən Hayfa neft emalı zavodunun tam işə qayıtması üçün oktyabr ayına qədər vaxt lazım olacaq.

The Times of Israel  qəzeti iki həftə əvvəl İranın raket hücumuna məruz qalan Hayfa neft emalı zavodunun tam gücü ilə işə qayıtması üçün oktyabr ayına qədər vaxt lazım olduğunu açıqlayıb.

Hücum nəticəsində 3 nəfərin öldüyü bildirilərkən, zavodu idarə edən İsrail Neft Emalı Şirkəti (Bazan) müəssisədəki fəaliyyətini qismən bərpa etdiyini açıqlayıb.

Oktyabr ayına qədər tam güc yoxdur

İbranicə “Bazan” qısaltması ilə tanınan şirkət bazar günü Təl-Əviv Birjasına verdiyi ərizədə fəaliyyətini mərhələli şəkildə bərpa edəcəyini və obyektin çox güman ki, oktyabr ayına kimi tam fəaliyyətə başlayacağını bildirib.

İyunun 15-də başqa bir açıqlamada şirkət İranın raket hücumları nəticəsində Hayfada boru kəmərlərinin və elektrik ötürücü xətlərinin zədələndiyini təsdiqləyib.

Bazan bildirib ki, zərərin onun əməliyyat və maliyyə nəticələrinə təsirinin qiymətləndirilməsi prosesi davam edir.

İsrail enerji bazarının əsas oyunçusu

İsrail mətbuatının yazdığına görə, Bazan ölkənin enerji bazarının ən mühüm aktorlarından biri hesab olunur.

Mart ayında İsrail birjasına təqdim edilən məlumata görə, Bazan 2024-cü ildə İsrailin dizel ehtiyacının 65 faizini, benzin ehtiyacının 59 faizini və kerosin ehtiyacının 52 faizini təkbaşına ödəyəcək.

Bazan, 2022-ci ilin sentyabrında ICL-dən (keçmiş Israel Chemicals Ltd.) şirkətin nəzarətini götürən Petrokimya şirkətinə məxsusdur.