İranlı qız qayayadırmanma üzrə Asiya çempionu olub

Sarina Qaffari Hindistanda keçirilən Asiya çempionatının gənclər arasında qayayadırmanma yarışında qızıl medal qazanıb.

Hindistanda davam edən Asiya çempionatının yeniyetmə və gənclər arasında qayayadırmanma yarışlarında qızlar bölməsində Sarina Qaffari gənclər yaş kateqoriyası üzrə boulderinq yarışının final mərhələsində birinci yeri tutaraq qızıl medala sahib olub.

Həmçinin, bu kateqoriyada və bu yaş qrupunda ölkəmizin digər idmançısı Sara Ziraətzadə də finalda beşinci pilləyə yüksəlib.