İraq müqavimət qüvvələrinin pilotsuz təyyarələri işğal olunmuş Fələstinin cənubuna hücum edib

İraq İslami Müqaviməti işğal altındakı Fələstinin cənubundakı mühüm hədəfə pilotsuz təyyarə ilə hücum etdiyini elan edib.

İRNA-nın məlumatına görə, İraqın İslami Müqaviməti bu gün (15 may) Qəzzə xalqına dəstək və sionist rejimin cinayətlərinə cavab olaraq 2 pilotsuz təyyarə ilə işğal olunmuş ərazilərdə mühüm mövqeyi hədəfə aldığını elan edib.

İraq İslami Müqaviməti “Əl-İrfad” pilotsuz təyyarələrinin bu əməliyyatda ilk dəfə istifadə edildiyini bildirərək, sionistlərə qarşı hücumlarının davam etdiyini vurğulayıb.

Qeyd edək ki, ötən əməliyyatlarda İraq İslami müqaviməti sionist rejim Qəzzə zolağına hücumlarını davam etdirdiyi təqdirdə bu rejimin işğal olunmuş ərazilərə qarşı əməliyyatlarını gücləndirəcəyi barədə xəbərdarlıq etmişdi.

Bu qrup işğal olunmuş ərazilərdə müxtəlif əməliyyatlar həyata keçirərkən Qəzzə xalqına dəstək olmaq və işğalçılara qarşı hücumları gücləndirmək rolunu daim vurğulayır.