İraq nümayəndəsi: Hökumət Şəhid Süleymaninin qətl hadisəsini görməməzlikdən gəlir

Sizinyol xarici mediaya istinadən xəbər verir:

İraq Parlamentinin Xarici İşlər Komitəsinin üzvü hazırkı İraq hökumətinin və xüsusən Baş nazirin siyasətini tənqid edərək, hökumətin İslam İnqilabı Keşikçiləri Korpusunun Qüds Qüvvələrinin sabiq komandirinə sui-qəsd də daxil olmaqla önəmli məsələləri görməməzlikdən gəldiyini söylədi.

Bu gün (çərşənbə) İraq parlamentinin Xarici Əlaqələr Komitəsinin üzvü Muxtar Əl-Musəvi Baş nazir Mustafa Əl-Kaziminin siyasətini tənqid etdi.

Əl-Musəvi verdiyi açıqlamada Baş nazirin ölkənin suverenliyi və Qüds Qüvvələrinin keçmiş komandanı General ı Qasim Süleymani və İraq Həşdi Şəbi təşkilat rəhbərinin keçmiş müavini Əbu Mehdi Əl-Muhəndisin öldürülməsi məsələsinə məhəl qoymadığını bildirib.

General Qasim Süleymani və Əbu Mehdi Əl-Muhəndisə Bağdad Beynəlxalq Hava Limanı yaxınlığında terror edilməsindən sonra, İraq parlamenti ötən ilin yanvarında xarici qoşunların ölkədən çıxarılması haqda qanunu təsdiqlədi.

Muxtar Əl-Musəvi həmçinin hökumətin Səudiyyə Ərəbistanı və ABŞ-dan investisiya cəlb etmək səylərinə təəccübləndiyini dilə gətirdi.

Fəth koalisiyası da ölkədəki bütün siyasi qrupları hökumətə təzyiq göstərməyə və bu məsələlərdə Ağ Evin keçid mərhələsindən istifadə etməyə çağırdı.