İraq Şəhid Süleymani və Əbu Mehdi Əl-Mühəndisin qatillərinin mühakimə prosesini yekunlaşdırmaq əzmindədir

İraqın Xarici işlər naziri Əmir Abdullahiyan ilə görüşdə ölkənin Şəhid Süleymani və Əbu Mehdi Əl-Mühəndisin qatillərinin məhkəməsini yekunlaşdırmaq əzmində olduğunu vurğulayaraq, İraqın öz ərazilərindən qonşularını təhdid etmək üçün istifadə edilməsinə icazə verməyəcəyini bildirib.

Bu gün (çərşənbə günü) İraq Xarici İşlər Nazirliyində Hüseyn Əmir Abdullahiyan ilə İraqın Xarici İşlər naziri Fuad Hüseyn arasında danışıqların birinci raundu keçirilib.

İran Xarici İşlər naziri bu danışıqlarda Qasim Süleymani və Əbu Mehdi Əl-Mühəndis və onların yoldaşlarının şəhadətini yad edərək İran İslam Respublikası və İraqın hərtərəfli qanuni tədbirlərinə toxunub və istintaqın yekunlaşması və bu qeyri-insani terroru törədənlərin məhkəməsi üçün danışıqların sürətləndirilməsini tələb edib.

Əmir Abdullahiyan İran İslam Respublikasının İraq Respublikası ilə ortaqlığını strateji ortaqlıq adlandırıb və ümidvar olduğunu bildirib ki, iki ölkə arasında təhlükəsizlik sahəsində əməkdaşlıq sənədi ən qısa zamanda yekunlaşdırılacaq və iki ölkə arasında İqtisadi Əməkdaşlıq üzrə Ali Komissiya iki ölkədə tezliklə təşkil olunacaq.

O, Şimali İraqda bəzi separatçı və terrorçu qrupların fəaliyyətini qəbuledilməz adlandırıb və İraq tərəfinin bu məsələnin həlli istiqamətində səylərini yüksək qiymətləndirib.

Əmir Abdullahiyan iki ölkənin yüksək iqtisadi imkanları və ticarət əlaqələrini geniş və vacib sayaraq, İranın kommersiya tələbləri ilə bağlı məsələlərin tezliklə və tamamilə həll olunacağına ümid etdiyini bildirib.

Əmir Abdullahiyan sərhəd əməkdaşlığı prosesini və xüsusilə Ərvənd çayının hüquqi məsələlərini, 1975-ci il müqaviləsinə əsaslanan dibdərinləşdirmə və digər əlaqəli məsələləri müsbət və konstruktiv proses kimi qiymətləndirib.

İraqın Xarici İşlər naziri Fuad Hüseyn bu danışıqlarda İraqın Şəhid Süleymani və Əbu Mehdi Əl-Mühəndisin qatillərinin mühakiməsini yekunlaşdırmaq əzmində olduğunu vurğulayıb.

İraqın xarici işlər naziri Vaşinqtonla bank və kommersiya istisnalarından istifadə etmək üçün apardığı son danışıqlara işarə edərək, İraq hökumətinin İranla ticarət və bank əlaqələrini asanlaşdırmaq əzmində olduğunu vurğulayıb.

Danışıqların davamında bəzi konsulluq məsələləri və İran İslam Respublikasının İraqdakı baş konsulluqları, müvafiq işlərin asanlaşdırılması üçün planlar və lazımi razılaşmalar əldə edilib.