İraq təhlükəsizlik qüvvələri İŞİD-in 10 üzvünü ələ keçiriblər

İraqın Nineva əyalətində İŞİD terror təşkilatının 10 üzvü ələ keçib.

İnterAz SalamNews-a istinadla xəbər verir ki, bu barədə ölkənin Daxili İşlər Nazirliyi məlumat yayıb.

Bildirilib ki, vaxtilə İŞİD terror təşkilatının nəzdində olan “Divanul-Cund”, “Vilayət Dəclə”, “Ceyş-Dabiq” qruplarının 10 üzvü ələ keçiblər.

Kəşfiyyat məlumatları daxil olandan sonra əməliyyat aparılıb və vaxtilə orduya qarşı İŞİD-in hücumlarında iştirak edən bu şəxslər tutularaq məhkəmə sövq ediliblər.

Qeyd edək ki, İraqda terrorla mübarizə qanunun 4-cü maddəsinə əsasən İŞİD-ə üzvlüyü təsdiqlənən şəxslər edam edilirlər.