İraqda iki ABŞ konvoyuna hücum edildi

“Fars” Xəbər Agentliyinin verdiyi məlumata görə, İraq mənbələri cümə axşamı ABŞ-a məxsus hərbi avadanlıqlar daşıyan bir kanvoyun Babil vilayətində və başqa bir maddi-texniki karvanın isə Bəsrə vilayətində hədəfə alındığını bildiriblər.

“Sabirin News” teleqram kanalı,  Bəsrə vilayətindəki ikinci karvanın “Əl-Lahis” bölgəsində hədəf alındığını qeyd edib.

“Şəbəkətul-elam əl-Muqavim” xəbər saytı Babil vilayətindəki ilk hücumu, “Qasimul-Cabbarin” müqavimət qrupunun həyata keçirdiyini vurğulayıb.

“Sabirin News” Bəsrə vilayətindəki ikinci əməliyyatın isə “Saraya Ovliya əd-Dəm” müqavimət qrupu tərəfindən həyata keçirildiyi barədə xəbər verib.

Son aylarda İraqda yerləşən ABŞ əsgərləri üçün maddi-texniki təchizat daşıyan karvanlar dəfələrlə yol kənarında yerləşdirilən bombalar vasitəsilə hədəf alınıblar. Bu karvanlar İraqa əsasən qərbdən Suriya sərhədindən və ya cənubdan Küveyt sərhədindən daxil olurlar.

İraq müqavimət qrupları daha öncə İraq Baş Naziri Mustafa əl-Kazimi hökumətinə, ABŞ əsgərlərinin İraqdan çıxarılması müddətinin bitdiyini elan ediblər.

ABŞ koalisiyasının İraq müqavimət qüvvələrinə qarşı hücumları və bir sıra Həşdüş-Şabi qüvvələrinin şəhid olması, eləcə də General Polkovnik Şəhid Qasim Süleymaninin və Şəhid Əbu Mühəndis Əl-Mehdinin terror edilməsinin ardınca İraq parlamenti ABŞ hərbi qüvvələrinin İraqdan çıxarılması haqqında layihəni qəbul edib. Buna baxmayaraq Vaşinqton İraqdakı qüvvələrini geri çəkməkdən imtina etməyə davam edir.