İraqdan İŞİD-ə ağır zərbə: 42 terrorçu məhv edildi

Az.shafaqna.com xəbər verir ki, İraq hərbçiləri Mosul şəhəri yaxınlığında İŞİD-ə qarşı anti-terror əməliyyatı keçiriblər.

İraq Müdafiə Nazirliyinin məlumatına görə, əməliyyat Hərbi Hava Qüvvələrinin (HHQ) dəstəyi ilə ölkənin şimal-qərbində keçirilib.

Şəhərdən cənubda yerləşən Eyn əl-Cahiş rayonunda ümumilikdə 42 terrorçu məhv edilib.

Öldürülən İŞİD-çilər arasında terror təşkilatının 3 səhra komandiri də var.