İraqın Diyala şəhərindəki ən əhəmiyyətli İŞİD qərargahına Həşdi Şəbi əməliyyatı

Sizinyol xarici mediaya istinadən xəbər verir:

Həşdi Şəbi təşkilatının qüvvələri bu gün (Çərşənbə axşamı) səhər Diyala vilayətinin “Zur Əl-Miqdadiyyə” bölgəsində əməliyyat keçirib.

Həşdi Şəbi Təşkilatının (könüllü) qüvvələri bu gün ölkənin şərqində İran İslam Respublikası ilə həmsərhəd Diyala vilayətində bir əməliyyat başlatdı. Həşdi Şəbi qoşun komandiri Zəham Əl-Cəburi əməliyyatın Zur Əl-Miqdadiyyə bölgəsində (Baqubadan 45 km şimal-şərqdə) başladıldığını söylədi.

Əl-Cəburi Əl-Maluma xəbər saytına verdiyi açıqlamada, Həşdi Şəbi qüvvələrinin bölgəyə iki əsas istiqamətdə hücum başlatdığını bildirdi. Əməliyyatda hava qüvvələri və Ordunun 5-ci alayı da iştirak edir.

Onun sözlərinə görə, əməliyyat Zur Əl-Miqdadiyyə bağlarındakı İŞİD bazaları haqqında çox vacib məlumatlara əsasən başladıldı.

Bu ərazini keçmək çox çətindir. Əl-Cəburi əməliyyatın ilk saatlarında əldə edilən ən vacib nəticələrin bir bazanın müəyyənləşdirilməsi və hərbi texnika və partlayıcı maddələrin məhv edilməsi olduğunu bildirdi.

O, bu bölgənin İŞİD-in Diyaladakı ən əhəmiyyətli qərargahı olduğunu və əməliyyatların terrorçulardan təmizlənənə qədər davam edəcəyini qeyd etdi.