İraqın mərkəzində ABŞ-ın texnika karvanı məhv edilib

Amerikalı terrorçulara məxsus logistik avadanlıqları daşıyan karvan İraqın Babil vilayətində yerləşən Hillə şəhərində hədəfə alınıb.

İraq xəbər mənbələri bu bazar ertəsi axşam Amerika terrorçularının hərbi karvanının yolunda partlayış olduğunu bildirib.

Sabirin News Telegram kanalı bu mənbələrə istinadən xəbər verib ki, bu karvan Babil vilayətində (mərkəzi İraq) yerləşən Hillə şəhərində hədəfə alınan amerikalı terrorçulara məxsus logistika avadanlığı daşıyırmış.

Hələlik heç bir qruplaşma bu partlayışa görə məsuliyyəti üzərinə götürməyib və bu hücum nəticəsində Amerika qüvvələrinin itki verib-vermədiyi məlum deyil.

İraq Müqavimət Koordinasiya Mərkəzi bu yaxınlarda bir bəyanat yayaraq, bu mərhələnin həssaslığına görə Amerikaya qarşı bəzi hərəkətlərini, o cümlədən hərbi əməliyyatları dayandırdığını açıqladı.

Təbii ki, bu məsələ İraq müqavimət qüvvələrinin amerikalıların qeyri-qanuni mövcudluğunu qəbul etdiyi mənasında deyil.

İraq müqaviməti ABŞ-ın mövcudluğunun ölkə konstitusiyasını pozduğunu bəyan edib və Vaşinqtonun İraqın daxili işlərinə qarışmaması barədə xəbərdarlıq edib.

İraqın Sədr hərəkatının lideri Seyid Müqtəda Əs-Sədr dünən axşam saatlarında Amerika səfirinin müdaxilələrinin hələ də davam etdiyini bildirib.

İraq parlamentinin xarici əsgərlərin ölkədən çıxarılması ilə bağlı qanun layihəsini təsdiqindən və Bağdadın bu məsələdə ləngiməsindən sonra Amerika koalisiyasının lojistik konvoyları həftəlik, bəzən isə gün ərzində bir neçə dəfə yol kənarındakı bombalarla hədəfə alınır.

Amerika karvanları ya cənubdan Küveyt sərhədini, ya da şimal-qərbdən Neynəva əyalətindəki qeyri-qanuni “Əl-Vəlid” keçidindən keçərək İraqa daxil olur və İraqda yerləşən Amerika əsgərlərinin ehtiyac duyduğu ləvazimatları daşıyır.

Bu hücumların və yol kənarındakı partlayışların qarşısını almaq üçün Amerika koalisiyası öz avadanlıqlarını daşımaq üçün yerli İraq şirkətlərindən yardım alır.

İraqlı qruplar vurğulayırlar ki, İraq hökuməti bu ölkə parlamentinin xarici qüvvələrin çıxarılması ilə bağlı qanunun təsdiqinin ardınca xarici qüvvələri İraqdan çıxarmalıdır.