İraqın Səlahəddin əyalətində Amerika hərbi təchizatını daşıyan konvoy hücuma məruz qalıb
Sizinyol xarici mediaya istinadən xəbər verir:
İraqın Səlahəddin əyalətində ABŞ hərbi avadanlığını daşıyan bir konvoy yol kənarında bomba hücumuna məruz qalıb.
Mülki müdafiə qüvvələri hadisə yerinə çatdıqdan sonra, yaranan alovun qarşısını almağa çalışıb. ABŞ-ın İraqın Ordu, Həşdi Şəbi bazaları, Əl-Qaim və Bağdad hava limanına hava hücumlarından və çoxlu sayda şəhid verdikdən sonra, İraqda Amerika əleyhinə həssaslıq artdı.
Ötən həftə İraqın cənubundakı Divaniyyə vilayətində və digəri isə Bağdadın şimalında ABŞ texnikaları və silahlarını daşıyan iki konvoya hücum edilib. Bağdadın şimalındakı Əl-Taci hərbi bazası da keçən həftə ağır raketlərdən atəşə tutuldu və bazada geniş miqyaslı yanğın baş verdi.
