İşğal naziri: Qəzzaya yardımlar dayandırılmalı, bölgə işğal edilməlidir
İsrailin ifrat sağçı Milli Təhlükəsizlik Naziri İtamar Ben-Qvir Qəzzaya yardımların məhdudlaşdırılması qərarına reaksiya göstərərək, Şabat bəhanəsi ilə görüşdən kənarlaşdırıldığını iddia edərək, yardımların tamamilə dayandırılması və bölgənin işğalı lazım olduğunu müdafiə edib.
Uzun müddətdir Fələstin ərazilərinin ilhaqını və fələstinlilərin qovulmasını müdafiə edən İsrailin ifrat sağçı Milli Təhlükəsizlik Naziri İtamar Ben-Qvir, işğalçı qurumun Qəzzaya məhdud miqdarda yardımı təsdiqləməsinə sərt reaksiya göstərərək, qəsdən görüşdən kənarlaşdırıldığını iddia edib.
Ben-Qvir bildirib ki, kabinet onu yəhudilərin müqəddəs Şənbə gününü bəhanə edərək qəbul etdiyi qərarlardan kənarlaşdırıb.
İsrailin baş naziri Benyamin Netanyahunun kabineti şənbə günü Qəzzaya gündəlik 10 saatlıq “humanitar fasilələr” zamanı məhdud yardımın verilməsinə icazə verib.
Ben-Qvir və maliyyə naziri Bezalel Smotriç “Şənbə gününün müqəddəsliyini pozmamaq üçün” görüşə dəvət edilmədilər.
Bazar günü Radio 104 FM -ə danışan Ben-Gvir qəzəbini ifadə edərək, kabinet üzvlərinin onun fikrini eşitmək istəmədiyini söylədi.
“Şabbatın müqəddəsliyini məni dəvət etməmək üçün bəhanə edənlərə çox qəzəblənirəm. Mən təhlükəsizlik brifinqləri almışam və daha əvvəl Şənbə günü avtomobillə səyahət etmişəm (bu, yəhudi qanunlarına görə qadağandır). Cümə axşamı Netanyahu ilə görüşdüm – bu da Şabatı pozur – amma o, mənə bu planı demədi”.
Ben-Qvir planlarının bəlli olduğunu vurğulayıb:
“Biz yardımı dayandıracağıq və Qəzzaya heç nə buraxmayacağıq. Əgər oğurlanmış xalqımız yemək yeməsə, onlar da yeməyəcəklər. Biz bütün Qəzzanı işğal etməliyik. Bu, bizim torpağımızdır və onlar öz cinayətlərinin əvəzini torpaqlarını itirməklə və qaçmağa məcbur olmaqla ödəməlidirlər. Təəssüf ki, bu, edilmir, lakin ABŞ prezidenti Donald Tramp bizimlədir”.
Ben-Qvir həmçinin İsrail əsgərlərinin son ölümlərində Qəzzaya məhdud yardıma icazə verən qərarları günahlandırıb.
Yanvarda artıq qüvvədə olmayan atəşkəs razılaşmasına görə hökumətdən istefa verən Ben-Qvir daha sonra kabinetə yenidən qoşulub.
O vaxtdan bəri İsrailə müharibəni davam etdirmək və Qəzza əhalisini zorla köçürmək üçün təzyiq göstərir.
