İşğal olunmuş Qüdsdə sionist hərbi bazası yandırılıb-Video

İşğalçıların fələstinlilərlə toqquşmasından sonra işğal altındakı Qüds şəhərinin köhnə hissəsindəki kəndlərdən birində sionist hərbi bazası yandırılıb.

Fələstin mediası çərşənbə axşamı səhər saatlarında işğal olunmuş Qüdsdə müvəqqəti sionist rejimin hərbi bazasının yandırıldığını bildirib.

Fələstinin Şahab xəbər agentliyi işğal altındakı Qüds şəhərinin köhnə hissəsində Əl-İsaviyyə kəndində sionist hərbi bazanın yandırıldığını bildirib.

Müvafiq olaraq, sionist ordusunun Əl-İsaviyyədə fələstinli gənclərlə toqquşmasından sonra hərbi baza alovlanıb və yanğın genişlənməkdədir.

Fələstin KİV-ləri bundan əvvəl İsrail terror qüvvələrinin bölgədəki fələstinlilərin evlərinə hücum etdiyini, fələstinli gənclərin müqaviməti ilə üzləşdiyini və daha sonra onlarla toqquşduğunu bildirmişdi.

Bu, işğal olunmuş Qüdsdə sionistlərin təcavüzkar yürüşündən və məskunlaşanların Məscidül-Əqsaya hücumundan sonra işğal altındakı Fələstində təhlükəsizlik vəziyyətinin gərginləşdiyi və müqavimət qruplarının buna cavab vermək barədə xəbərdarlıq etdiyi bir vaxta təsadüf edir.

Sionist yaraqlılar işğal altındakı Qüdsün Cəbəl əl-Mükəbbər bölgəsində, eləcə də Məscidül-Əqsanın daxilində gecə ərzində fələstinlilərlə toqquşub.