İşğal olunmuş Qüdsdəki atışma əməliyyatında 7 sionist yaralanıb-Foto/Vİdeo

İsrail polisi bildirib ki, fələstinli döyüşçülər işğal altındakı Qüdsdə iki atışma əməliyyatı keçirib, nəticədə azı 7 sionist yaralanıb.

Fələstin və sionist mediası bazar günü səhər saatlarında işğal olunmuş Qüdsdə atışma əməliyyatı barədə məlumat verir.

Fələstinin “Şahab” xəbər agentliyi müqavimət qruplarının döyüşçülərinin işğal altındakı Qüdsdə dayanacaqda olan sionistlərə atəş açdığını bildirib.

Müvəqqəti sionist rejimin fövqəladə hallar şöbəsi bu əməliyyatda ən azı 7 sionistin yaralandığını və onlardan 3-nün vəziyyətinin ağır olduğunu açıqlayıb.

Sionist rejimin 7-ci kanalı polisə istinadən xəbər verib ki, fələstinli əməliyyatçılar tərəfindən işğal olunmuş Qüdsdə (Əl-Baraq divarının yaxınlığında, Har-Sion parkinginin girişi) eyni vaxtda iki atışma həyata keçirilib.

Məlumatlara görə, bu əməliyyatları törədənlər hadisə yerindən qaça biliblər və İsrail polisi həyəcan səviyyəsini artırarkən təhlükəsizlik qüvvələrini gücləndirib.

Əl-Cəzirə xəbər verib: “Bu atışma əməliyyatlarından sonra İsrail polisi fələstinli döyüşçülərin onları yenidən atəşə tutacağından narahat olduqları üçün digərlərinin Qüdsdəki əl-Baraq divarını tərk etmələrinin qarşısını almağa qərar verib.

Buna əsaslanaraq, uşaq qətli sionist rejiminin 40-a yaxın hərbi maşını bu əməliyyatın səbəbkarlarını tapmaq məqsədilə işğal altındakı Qüdsün şərqindəki “Səlvan” məhəlləsi və həmçinin “Cənin” düşərgəsi istiqamətində hərəkətə keçib.

Həmçinin bu rejimin hücum pilotsuz təyyarələri fələstinli döyüşçülərin axtarışında iştirak etmək üçün Səlvan səması üzərində uçub.

İbranidilli media da yazıb ki, sionist əsgərlərin İordan çayının qərb sahilindəki Cənin düşərgəsinə daxil olması ilə eyni vaxtda fələstinli gənclər və müqavimət döyüşçüləri də onlarla vuruşur.

Bir neçə dəqiqə sonra Fələstin İslami Müqavimət Hərəkatının (HƏMAS) sözçüsü Fövzi Bərhum deyib: “Qüdsün cəsur əməliyyatı işğalçıların və köçkünlərin xalqımıza, torpaqlarımıza, islamimüqəddəs məkanlarımıza qarşı gündəlik cinayətlərinə təbii cavabdır.”

Bərhum mətbuata açıqlama verərək aydınlıq gətirib: İşğalçıların repressiv hərəkətləri və Qüdsdə xalqımız üzərində təhlükəsizlik nəzarətinin gücləndirilməsi onların əzmini zəiflətməyəcək və iradələrini qırmayacaq.

Xəstəxana mənbələri həmçinin işğal altındakı Qüdsdəki atışma əməliyyatında yaralanan sionistlərin sayının 9-a yüksəldiyini bildirir.