İşğaldan azad edilmiş ərazilərdə 8 peşə məktəbinin istifadəyə verilməsi planlaşdırılır

İşğaldan azad edilmiş ərazilərdə Böyük Qayıdışa dair I Dövlət Proqramı əsasında 2026-cı ilədək 8 peşə təhsili müəssisəsinin istifadəyə verilməsi planlaşdırılır. 2026-cı ildə peşə təhsilində tələbə sayı 28 minə yaxın olacaq.

BAKU.WS Azərtac-a istinadən xəbər verir ki, bunu Peşə Təhsili üzrə Dövlət Agentliyinin direktoru vəzifəsini müvəqqəti icra edən Ceyhun Kərəmov media nümayəndələri ilə keçirilən görüşdə deyib.

Onun sözlərinə görə, Füzulidə tikilən peşə təhsili müəssisəsinin 2025-ci ildə istifadəyə verilməsi planlaşdırılır.

BAKU.WS