İŞİD-ə qoşulanlar qandallandı

İŞİD terror təşkilatına üzv olmaqda təqsirləndirilən 5 Gürcüstan vətəndaşına Tbilisi Şəhər Məhkəməsi hökm oxuyub. 

Publika.az Gürcüstan mediasına istinadla xəbər verir ki, bu barədə Baş Prokurorluq məlumat yayıb. 

Məlumata əsasən, həmin şəxslər Suriyaya getməyi və İŞİD sıralarında döyüşməyi planlaşdırıblar, lakin bunun qarşısı Gürcüstan Prokurorluğu və Dövlət Təhlükəsizlik Xidmətinin Terrorla Mübarizə Mərkəzinin birgə tədbirləri ilə vaxtında alınıb. 

Saxlanılan şəxslərdən biri 12 il müddətinə, digər 4 nəfərin hər biri isə 10 il müddətinə azadlıqdan məhrum edilib. 

Publika.az