İŞİD-in Məzari-Şərif şiə məscidinə hücumu; 30 şəhid və 80 yaralı-Foto/Video

Məzari-Şərifdə ən böyük şiə məscidində partlayışın baş verdiyi barədə xəbərlər yayılıb. Mənbələrin məlumatına görə, terror aktında 30 nəfər şəhid olub, 80 nəfər yaralanıb.

Məzari-Şərifdəki ictimai mənbələr bir neçə dəqiqə əvvəl Se Dokan adlı məscidin içərisində partlayış baş verdiyini bildiriblər.

Mənbələrin məlumatına görə, partlayış namaz zamanı baş verib. Bu məscid Məzari-Şərifdə insanların sıx olduğu yerdə yerləşən ən böyük şiə məscididir.

Məzari-Şərifin Əbu Əli Sina Bəlxi rayon xəstəxanasının direktoru Qövsəddin Ənvəri partlayış nəticəsində çoxlu sayda yaralının xəstəxanaya köçürüldüyünü, lakin yaralıların dəqiq sayının daha sonra açıqlanacağını bildirib.

Kunduz təhlükəsizlik komandanlığının sözçüsü Qari Abdullah Abidi şəhərin Sərdore bölgəsində baş verən partlayışı təsdiqləyib, lakin itkilər barədə açıqlama verməyib.

Məzari-Şərifdə Se Dokan məscidində baş verən partlayış nəticəsində 110 şəhid və yaralı var.

İlkin olaraq Məzari-Şərifin Bəlxdəki Əbu Əli Sina xəstəxanasındakı mənbələr, Məzari-Şərifdəki Se Dokan məscidində baş verən partlayış nəticəsində iki şəhid və 25-dən çox yaralının xəstəxanaya aparıldığını bildirib.

Hadisə şahidlərinin sözlərinə görə, təcili yardım maşınları davamlı olaraq yaralıları xəstəxanaya aparırmış.

Bugünkü terror aktında ölənlərin sayı ilə bağlı ziddiyyətli statistika onlarla şəhid və yaralı olduğunu göstərir. Tulu News Məzari-Şərifdəki səhiyyə rəsmilərinə istinadən xəbər verir ki, bugünkü partlayış nəticəsində ən azı 5 şəhid və 65 yaralı xəstəxanaya aparılıb. Onların fikrincə, bu statistika dəyişəcək.

Digər tərəfdən, bəzi mənbələr indiyədək bu partlayışda 18 nəfərin öldüyünü, 30 nəfərin isə yaralandığını bildirib.

Ancaq bir neçə dəqiqə əvvəl Əfqanıstan mediası Bəlx səhiyyə rəsmilərinə istinadən İŞİD-in məscidə hücumu nəticəsində 30 nəfərin öldüyünü, 80 nəfərin isə yaralandığını bildirib.