İslam İnqilabının Rəhbəri Pakistanın Baş naziri ilə görüşündə vurğulayıb: Qəzzada cinayətlərin dayandırılması üçün təsirli tədbirlərin görülməsi zəruridir

İslam İnqilabının Ali Rəhbəri Ayətullah Xamenei bu gün günorta saatlarında Pakistanın baş naziri Şahbaz Şərif və onu müşayiət edən nümayəndə heyəti ilə görüşüb. O, Pakistanın İslam dünyasındakı xüsusi mövqeyinə toxunaraq, sionist rejimin Qəzzadakı cinayətlərinin dayandırılması üçün İran və Pakistanın birgə və təsirli fəaliyyətlərinin zəruriliyini vurğulayıb.

Bu görüşün əvvəlində İnqilab Rəhbəri Pakistan və Hindistan arasında müharibənin bitməsindən məmnunluğunu ifadə etdi və iki ölkə arasındakı fikir ayrılıqlarının həllinə ümid etdiyini bildirdi. O, həmçinin Pakistanın ötən illər ərzində Fələstin məsələsində çox yaxşı və güclü mövqeyinə işarə edərək dedi: Son illərdə İslam ölkələrinin sionist rejimlə əlaqələri olması üçün həmişə vəsvəsələr olduğu halda, Pakistan heç vaxt bu vəsvəsələrin təsirinə düşməmişdir.

Ayətullah Xamenei İslam ümmətinin bugünkü dünyada daha böyük gücə malik olmaq üçün böyük potensiala malik olduğuna işarə edərək əlavə etdi: “Dünyada müharibə qızışdıranların ixtilaf və müharibə yaratmaq üçün çoxlu motivlərinin olduğu bir şəraitdə İslam ümmətinin təhlükəsizliyini təmin edə biləcək yeganə şey İslam ölkələri arasında birlik və bu ölkələr arasında əlaqələrin gücləndirilməsidir”.

O, Fələstin məsələsini İslam dünyasının ilk məsələsi adlandırıb və Qəzzədəki acınacaqlı vəziyyətə toxunaraq qeyd edib: Qəzzada vəziyyət o yerə çatıb ki, Avropa və Amerikada sadə insanlar nümayişlər keçirərək öz hökumətlərinə etiraz edirlər, lakin eyni şəraitdə təəssüf ki, bəzi İslam hökumətləri sionist rejiminin yanındadır.

İslam İnqilabının Rəhbəri İran İslam Respublikası və Pakistanın birgə fəaliyyət göstərməklə İslam dünyasında nüfuz sahibi ola biləcəyini və Fələstin məsələsini bu yanlış yoldan çıxara biləcəyini vurğulayaraq dedi: Biz İslam dünyasının gələcəyinə nikbin baxırıq və bir çox hadisələr bizim nikbinliyimizi təsdiqləyir.

Ayətullah Xamenei həmçinin İran və Pakistan arasındakı münasibətləri həmişə isti və qardaşlıq münasibəti kimi qiymətləndirib və bu qardaşlıq münasibətlərinin nümunəsi kimi Pakistanın zorakılıq dövründəki müsbət mövqelərinə işarə edərək, iki ölkə arasında müxtəlif miqyaslarda mövcud əməkdaşlığı gözlənilən səviyyədən aşağı olduğunu bildirib və əlavə edib: İki ölkə bir çox sahələrdə bir-birinə kömək edə bilər və ümid edirik ki, bu səfər xüsusilə iqtisadi, siyasi və mədəni, ümumiyyətlə hərtərəfli əlaqələri genişləndirməyə kömək edəcəkdir.

İnqilab Rəhbəri həmçinin İƏT təşkilatının fəallaşması üçün İran və Pakistan arasında əməkdaşlığın vacibliyini vurğulayıb.

Prezident Pezeşkiyanın da iştirak etdiyi bu görüşdə cənab Şahbaz Şərif İnqilab Rəhbəri ilə görüşdən böyük məmnunluq ifadə etdi və Pakistan və Hindistan arasında yaranmış böhranın yatırılmasında İran İslam Respublikasının müsbət rolunu yüksək qiymətləndirdi. O, son münaqişələrlə bağlı baş verənləri izah edərkən Qəzza məsələsinə toxunaraq deyib: Təəssüf ki, beynəlxalq ictimaiyyət Qəzza fəlakətinə son qoymaq üçün heç bir təsirli addım atmır.

Pakistanın baş naziri Tehranda keçirdiyi yaxşı və konstruktiv danışıqlara da toxunaraq, bu səfərin iki ölkə arasında əlaqələrin daha da genişlənməsinə yol açacağına ümid etdiyini bildirib.