İslamabad: Yəmənin bombalanması regiondakı vəziyyəti çətinləşdirir

Pakistan Xarici İşlər Nazirliyinin sözçüsü ölkəsinin yəmənlilər arasında dialoqu dəstəkləmək mövqeyini vurğulayaraq, Yəmənin bombalanması, cavab tədbirlərinin regiondakı vəziyyəti çətinləşdirəcəyi ilə bağlı xəbərdarlıq edib.

Sizinyolun xarici KİV-lərə istinadən verdiyi məlumata görə,  Şəfqət Əli Xan bu gün (20 mart) İslamabadda keçirdiyi həftəlik mətbuat konfransında deyib: Pakistanın strateji planları müdafiə xarakteri daşıyır və bu, ölkənin qarşısının alınmasının vacib hissəsidir. Pakistanın İsraillə bağlı mövqeyi aydındır və biz bu rejimi tanımırıq.

Şəfqət Əli Xan həmçinin ABŞ və Böyük Britaniyanın Yəmən xalqına qarşı təcavüzü ilə bağlı sualı cavablandırarkən bildirib ki, bu ölkənin bombalanması və bundan sonra görüləcək cavab tədbirləri regionda vəziyyəti daha da çətinləşdirəcək. Pakistan Yəmən böhranının həlli üçün yəmənlilər arasında sülh prosesini və dialoqu dəstəkləyir.

Nümayəndə heyətinin bəzi Pakistan vətəndaşlarının da daxil olduğu işğal olunmuş Fələstin ərazilərinə səfəri ilə bağlı Şəfqət Əli Xan bildirib ki, Pakistan hökumətinin bu barədə rəsmi məlumatı yoxdur və biz bu səfər barədə media vasitəsilə öyrənmişik.