İslami Cihad: Biz İsrailin faşist kabinetindən qorxmuruq/ Mübarizə var qüdrəti ilə davam edir

Fələstin İslami Cihad Hərəkatının sözçüsü deyib: Yeni ildə biz Qüds Şərifin azad edilməsinə qədər mübarizəmizi davam etdirəcəyik və sionist rejimin sağçı faşist kabinetindən qorxmuruq.

İRNA-nın Əhd xəbər saytına istinadən verdiyi məlumata görə, Fələstin İslami Cihad hərəkatının sözçüsü Tariq Səlmi bu gün, bazar günü deyib: Biz qəhrəman Fələstin xalqının müqavimətinin və sionist terrorizm rejimi ilə mübarizədə fədakarlığının şahidi olduğumuz bir il keçirdik və fələstinlilər bir an belə işğalçılarla mübarizəni və döyüşü dayandırmadılar.

O vurğuladı: Ötən il Fələstin böyük hadisələrin şahidi oldu. Bu il biz şəhidlərimizi itirdik ki, onların adları əbədi qalacaq və onların siyasəti sionist düşmənlə mübarizəni davam etdirmək üçün stimul olaraq qalacaq.

Fələstin İslami Cihad Hərəkatının sözçüsü qeyd edib: Yeni ildə döyüşlərimizi Cənin, Qüds, Nablus və bütün İordan çayının qərb sahilində davam etdirəcəyik. Təysir əl-Cəbəri və Xalid Mənsur kimi komandirlərin qələbə və şəhadətinə səbəb olan eyni ruhla, Qüdsün qələbəsi və azadlığına qədər mübarizəmizi davam etdirəcəyik.

O vurğuladı: Sağçı faşist sionist hökuməti və onun cinayətkar ordusunun təhdidləri bizi qorxutmur.

Tariq Səlmi vurğulayıb ki, Qüds, Qəzzə, Cənin, Hebron, Nablus, Tulkərim, Ramullah və bütün Fələstinin şəhidləri, əsir və yaralıların ruhuna salam göndəririk.

O, həmçinin İslami Cihad hərəkatının hərbi qanadı olan Sərayəl-Qüds döyüşçülərinə və bütün Fələstin müqavimət qruplarına salamlarını çatdırıb.

Bu yaxınlarda Fələstin İslami Cihad Hərəkatının baş katibi Ziyad Ən-Nuxalə demişdi: “Yeni il iğtişaşlar və qarşıdurmalarla doludur və bizim birləşmək və mübarizə aparmaqdan başqa, çarəmiz olmayacaq.”

Ən-Nuxalə 2022-ci ili sabitlik və Fələstinlə qarşıdurma kimi qiymətləndirib və deyib ki, bu il “Cənin Batalyonu”nun yaradılması ilə yanaşı “Meydanların Vəhdəti” döyüşünün şahidi olduq.

Ən-Nualə əlavə edib: Bu gün İordan çayının qərb sahilində baş verənlər əsl silahlı intifazəyə bənzəyir.

Netanyahunun ekstremist hökumətinin effektivliyinə reaksiya verərək, o, həmçinin bildirib ki, Fələstin xalqının radikal hökumətə qarşı mübarizədə həmrəy olmaqdan başqa, seçimi yoxdur.

Sionist Parlament (Knesset) cümə axşamı günü İsrail rejiminin 37-ci kabinetinə və sağçı Likud partiyasının lideri Benyamin Netanyahunun rəhbərlik etdiyi 6-cı kabinetə səs verib.

Netanyahunun yeni kabineti İsrail rejiminin saxta tarixində ən sağçı və ekstrimist kabinet hesab olunur.