İsrailə hücum zamanı 9 ABŞ vətəndaşı həlak olub
Fələstin-İsrail münaqişəsinin kəskinləşməsi nəticəsində İsraildə 9 amerikalı həlak olub.
Bu barədə ABŞ Dövlət Departamentinin sözçüsü Metyu Miller CNN telekanalında efirində çıxışı zamanı bildirib.
“Hazırda biz 9 ABŞ vətəndaşının ölümünü təsdiqləyə bilərik. Həlak olanlara və bütün zərərçəkənlərin ailələrinə dərin hüznlə başsağlığı verir, xəsarət alanların tezliklə sağalmasını arzulayırıq. ABŞ vəziyyəti yaxından izləməyə davam edir və İsraildəki tərəfdaşlarımızla, xüsusən də yerli hakimiyyət orqanları ilə əlaqə saxlayırıq”, – deyə Miller qeyd edib.
