İsrail Baş Qərargah rəisi: Türkiyə Suriyadakı qırmızı xətlərimizi qəbul edir

İsrail Baş Qərargah rəisi Eyal Zamir Türkiyə liderləri ilə danışıqlarda Türkiyənin İsrailin Suriyadakı qırmızı xətlərini qəbul etdiyini bildirib. Zamir qeyd edib ki, bu sıralar Suriyanın cənubunda və Suriya sahillərində türk, müsəlman qardaşlar və sünni hərbi bazalarının qurulmamasını ehtiva edir.

İsrail Baş Qərargah rəisi Eyal Zamir Türkiyə liderlərinin və İsrailin Suriya ilə bağlı qırmızı xətləri üzərində razılaşdıqlarını bildirib.

Zamir mətbuat konfransında bildirib ki, bu razılaşmaya əsasən Türkiyə Suriyanın cənubunda, Suriya sahillərində və Suriyanın cənubundan İraq sərhədinə qədər bölgədə heç bir hərbi baza qurmayacaq.

Zamirin açıqlamasına görə, İsrailin qoyduğu qırmızı xətlər arasında sözügedən bölgələrdə Türkiyə, Müsəlman Qardaşlar və Sünnilərə aid heç bir hərbi bazanın qurulmaması da var.

Rəsmi həmçinin bildirib ki, Türkiyə Suriyada hər hansı təhlükəsizlik və ya hərbi mövcudluğa son qoymalıdır.

İsrail ordusunun mövqeyinə toxunan Zamir ordunun Şeyx dağında daimi olaraq qalacağını da qeyd edib.

Zamir, İsrail ordusunun çoxlu sayda druz əhalisi olan ərazilərdə mövcudluğunun druzların tələbi və onların təhlükəsizliyini təmin etmək üçün saxlandığını iddia edib.

Digər tərəfdən, Zamir “İsrailin Türkiyə ilə yaxşı münasibətləri olduğunu” və prezident Rəcəb Tayyib Ərdoğan və türk hərbi komandirləri ilə yaxşı qarşılıqlı əlaqələrin olduğunu, Türkiyə tərəfinin də İsrailin “qoyduğu qırmızı xətlərə hörmətlə yanaşmağa razı olduğunu” bildirib.

İsrailin Türkiyə ilə münaqişəyə can atmadığını deyən Zamir, Türkiyənin Suriyada hərbi və təhlükəsizlik varlığından qaçmalı və Suriyanın iqtisadi maraqlarına diqqət yetirməli olduğu mesajını verdi.