İsrail cəzalandırılmalıdır – Qəzzə, İordan çayının qərb sahili və Qüds hələ də işğal altındadır

Cənubi Afrikanın Beynəlxalq Ədalət Məhkəməsindəki təmsilçisi sionist rejimin beynəlxalq qanunlar və razılaşmalara əməl etməməsinə işarə edərək, bu rejimin Qəzzə və İordan çayının qərb sahilindəki cinayətlərinə görə cəzalandırılmasını istəyib.

Cənubi Afrikanın Beynəlxalq Ədalət Məhkəməsindəki təmsilçisi vurğulayıb: “Qəzzə zolağı bərzəxə dönüb və cəhənnəmin qapıları yenidən açılıb. İsrail bu bölgədə törətdiyi cinayətlərinə görə cəzalandırılmalıdır.”
O, əlavə edib: “İsrail fələstinlilərə təzyiq göstərmək və hər hansı humanitar yardımın Qəzzəyə daxil olmasına mane olmaq üçün Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyinin (UNRWA) işinə qəsdən mane olur.”
Cənubi Afrikanın Beynəlxalq Ədalət Məhkəməsindəki nümayəndəsi qeyd edib ki, sionist rejim soyqırımı qadağan edən sazişi pozur və məhkəmənin qərarı sadəcə məsləhət xarakteri daşımamalı, həm də məcburi olmalıdır. Qəzzə zolağı, İordan çayının qərb sahili və Şərqi Qüds hələ də bu rejimin hərbi işğalı altındadır. İsrail işğalçı kimi bütün beynəlxalq müqavilələri və qanunları pozur.