İsrail döyüş təyyarələri Suriyanı yenidən bombalayıb

İsrail döyüş təyyarələri Suriyanı yenidən bombalayıb

 İsrail rejimi dünən gecə hava hücumu ilə növbəti dəfə Dəməşqi hədəfə alıb.

Sizinyolun xarici KİV-lərə istinadən verdiyi məlumata görə, İsrail qırıcı təyyarələri bu gün (21 mart) Dəməşq ətrafında bir neçə ərazini bombalayıb. Hücumdan sonra ərazidə güclü partlayış səsləri eşidilib.

Xəbər mənbələri bu hücumlar nəticəsində mümkün itkilər və ya dağıntılar barədə hələlik məlumat dərc etməyib.

Yəmənin Əl-Məsirə telekanalı da bu mövzuda xəbər verib: Hücum bir neçə dəfə Suriyanın paytaxtı Dəməşqin qərb ətrafını hədəf alıb.

Xatırladaq ki, martın 17-də İsrail döyüş təyyarələrinin Suriyanın cənubuna hücumu nəticəsində iki Suriya vətəndaşı həlak olub, 19 nəfər yaralanıb. Bəşər Əsəd rejiminin süqutundan bu yana İsrail ordusu işğal altındakı Colan təpələri ilə materik Suriya arasındakı bufer xəttini keçib, Dəra və Quneytra əyalətlərindəki Colan təpələri yaxınlığındakı əraziləri zəbt edib, həmçinin Suriyanın hərbi və iqtisadi infrastrukturunu güclü şəkildə bombalayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

11 − four =