İsrail Hələb Beynəlxalq Hava Limanına raket zərbəsi endirib

İsrail Hərbi Hava Qüvvələri Hələb Beynəlxalq Hava Limanına raket zərbəsi endirib, nəticədə hava limanı sıradan çıxıb.

APA TASS-a istinadən xəbər verir ki, bu barədə Suriya Ərəb Respublikasının Müdafiə Nazirliyinin bəyanatında deyilir.

Bildirilib ki, İsrail qüvvələri saat 04:30-da Hələb beynəlxalq hava limanına raket zərbəsi endirib. Nəticədə uçuş-enmə zolağı zədələnib və maddi ziyan dəyib.

Suriya Müdafiə Nazirliyinin məlumatına görə, hücum Aralıq dənizindən həyata keçirilib.

Apa.az