İsrail hava hücumları ilə Türkiyəyə mesaj verir

Türkiyə terrorla mübarizə razılaşması adı altında Suriyadakı hərbi varlığını genişləndirir və Suriya səhrasında ikinci hava bazası yaradır. Ankaranın T4 bazasına nəzarət cəhdləri və dəniz yurisdiksiyalarını genişləndirmək məqsədi İsraili narahat etsə də, İsrailin Dəməşq və T4 bazası ətrafında son hava zərbələri Ankaraya bir mesaj kimi qiymətləndirilir.

Türkiyə Suriya ordusuna yardım etmək və terrorla mübarizə aparmaq üçün İraq, İordaniya, Livan və Suriya ilə imzalandığı iddia edilən Beş Tərəfli Müqavilə adı altında Suriyada hərbi ekspansiyasını davam etdirir.

Ankara Hələb çölündəki Ming Hərbi Aerodromunun təkmilləşdirilməsi ilə eyni vaxtda Suriya səhrasında ikinci aviabazanı aktivləşdirməyə çalışır.

Türkiyənin Suriyada hava bazası axtarması Bəşər Əsəd hökumətinin devrilməsindən dərhal sonra gündəmə gəlib.

İsrail Suriyanın hərbi potensialını böyük ölçüdə məhv etdikdən sonra hava hücumundan müdafiə sistemi qurmaq üçün Tiyas aviabazası (həmçinin T4 Hərbi Aerodromu kimi tanınır) seçildi.

Türkiyənin bu bazaya nəzarəti Ankaraya Suriya ərazisinin əhəmiyyətli bir hissəsinə birbaşa nəzarət imkanı verir.

Türkiyə də dənizin zənginliklərindən faydalanmasına və geniş dəniz yurisdiksiyası əraziləri qazanmasına imkan verəcək dəniz sərhədlərinin müəyyən edilməsi üçün səylər göstərir.

Ötən gecə İsrail döyüş təyyarələri Dəməşq bölgəsini və Badiye bölgəsindəki T4 bazasını hədəf alıb.

Bu hücumlar, fəaliyyəti İsraildə narahatlıq doğuran Ankaraya birbaşa mesaj kimi qiymətləndirilir.

Ötən ay İsrail döyüş təyyarələri Tedmur Hərbi Hava Limanını hədəf alıb.

İsrail ordusu o vaxt verdiyi açıqlamada “Tedmur və T4 bazaları bölgəsindəki strateji hərbi imkanların” hədəf alındığını bildirib.