İsrail İordan çayının qərb sahilində yeni deportasiya planını həyata keçirmək niyyətindədir

İşğalçı İsrailin çərşənbə günü səhər saatlarında İordan çayının qərb sahilinin şimalında başladığı və “Düşərgələrin yayı” adlandırılan əməliyyatla Fələstinliləri İordan çayının qərb sahilindən köçürməyi planlaşdırdığı ortaya çıxıb.

İsrail işğalçı qüvvələri çərşənbə günü səhər saatlarında İordan çayının qərb sahilinin şimalında başlatdıqları və “Düşərgələrin yayı” adlandırılan əməliyyatla fələstinli mülki vətəndaşları didərgin salmaq üçün yeni bir plan başlatdı.

İordan çayının qərb sahilinin müxtəlif yerlərində şiddətli qarşıdurmaların davam etdiyi bildirilərkən, bu əməliyyatın əsas məqsədinin Fələstin əhalisini İordan çayının qərb sahilindən çıxarmaq olduğu ortaya çıxıb.

İsrailin İordan çayının qərb sahilində hərbi əməliyyatları davam edərkən, İsrailin baş naziri Binyamin Netanyahu hökumətindəki bəzi nazirlər və Knesset üzvləri deportasiya planlarını açıq şəkildə müzakirə etməyə başlayıb.

Bu vəziyyət işğal olunmuş Fələstin torpaqlarında gərginliyi daha da artırıb. İsrailin planlarına beynəlxalq reaksiyalar tez oldu.

ABŞ Dövlət Departamentinin sözçüsü “Anadolu” və “Əl-Cəzirə”yə verdiyi açıqlamada ABŞ-ın İordan çayının qərb sahilindəki təxliyələri başa düşdüyünü, lakin fələstinlilərin məcburi köçkünlüyünə qarşı olduğunu bildirib.

Sözçü həmçinin bildirib ki, Birləşmiş Ştatlar “İsrailin təhlükəsizlik ehtiyaclarını, o cümlədən İordan çayının qərb sahilindəki terror fəaliyyətləri ilə mübarizəni qəbul edir”.

İşğalçı İsrail ordusu Nur Şəms düşərgəsinin sakinlərinə mühasirədə olan evlərini könüllü olaraq tərk etmələri üçün vaxt verib. 

Lakin bu müddət başa çatsa da, düşərgə sakinləri evlərini tərk etməkdən imtina edərək müqavimət göstərməkdə davam ediblər.

İsrail qüvvələri Fələstin administrasiyası vasitəsilə düşərgəni könüllü tərk edənlərin müəyyən dəhlizdən təhlükəsiz keçidini təmin edəcəklərini açıqlayıb. Lakin düşərgəni tərk etməkdən imtina edənlərin olması bölgədə gərginliyi artırmağa davam edir.

Yerli mənbələr işğal qüvvələrinin Nur Şəms düşərgəsi ətrafındakı əsas su xəttini yarıb və yolları qazaraq ərazini yaşayış üçün yararsız hala saldığını bildirib.

Bundan əlavə, düşərgəyə əsas ərzaq və ləvazimatların daşınmasının qarşısını alan ciddi blokada mövcuddur.

İsrail Qəzzadakı təcrübəsinə bənzər şəkildə İordan çayının qərb sahilindəki qaçqın düşərgələrini boşaltmaq üçün ağır təzyiqlər edir.

İşğal qüvvələrinin düşərgədə qurduqları hərbi məntəqələri dindirmə və işgəncə mərkəzlərinə çevirdiyi, təcili yardım qruplarının yaralıların təxliyyəsinə mane olduğu bildirilib. Bu əməliyyatlar döyüş təyyarələri, helikopterlər və pilotsuz uçuş aparatlarının daimi patrul uçuşları ilə həyata keçirilir.

Analitiklər Qərb Sahilində hərbi əməliyyatların daha bir neçə gün davam edəcəyini proqnozlaşdırırlar.

“Haaretz” qəzetinin hərbi analitiki Amos Harel qeyd edib ki, İordan çayının qərb sahilindəki son münaqişələr 2006-cı ildə ikinci intifadanın bitməsindən bəri ən şiddətli münaqişədir. Harel qeyd edib ki, İordan çayının qərb sahili indi yeni qaynama nöqtəsinə yaxınlaşır.

Yedioth Ahronothun hərbi analitiki Yossi Yehoshua şərq oxunun, xüsusilə İordaniya sərhədinin nəzarət altına alınmasını müdafiə etdi.

Yehoşua bəyan edib ki, Fələstin ərazisinə silah və partlayıcı maddələrin qaçaqmalçılığının qarşısını almaq üçün İordaniya sərhədi tamamilə bağlanmasa, İordan çayının qərb sahilindəki problemlər hərbi üsullarla həll edilə bilməz.

Yehoşua həmçinin qeyd edib ki, İran və Hizbullahın son illərdə İordan çayının qərb sahilinə qaçaqmalçılıq yolu ilə hərbi ləvazimat daşımaq cəhdləri artıb və bu səylər əsasən uğurlu olub.