İsrail Kəşfiyyat naziri iranlı nüvə alimlərini təhdid etdi

Eastnews.org-un verdiyi xəbərə görə, İsrail rejiminin Kəşfiyyat naziri Eli Kohen iranlı nüvə alimlərini təhdid edib.

O, bu barədə yerli jurnalistlərə açıqlamasında bildirib.

Nazir İrandakı nüvə alimlərinin rahat yata bilməyəcəklərini və onları da Möhsin Fəxrizadənin aqibətinin gözləyəcəyini deyib.

Möhsin Fəxrizadənin cinayətinin məsuliyyətini İsrail rejimi üzərində olduğunu bununla da etiraf edən Eli Kohen Möhsin Fəxrizadənin Təl-Əviv üçün təhlükə olduğunu da iddialarına əlavə edib.