İsrail ordusu: Hizbullah İsraili məhv etməyə çalışır

Sionist rejim ordusu elan edib ki, Livan Hizbullahı bu rejimin quruda, dənizdə və havada suverenliyini məhv etməyə çalışır.

“Ən-Nəşrə” saytının məlumatına görə, İsrail ordusu bir bəyanatda elan edib: Livan Hizbullahı müxtəlif vasitələrlə quruda, dənizdə və havada İsrailin suverenliyini məhv etməyə çalışır. İqtisadi sular İsrailin bir hissəsidir, mübahisəli ərazi deyil və bununla bağlı heç bir müzakirə yoxdur.”

Livan Hizbullahı şənbə günü İsraillə mübahisəli dəniz zonasında yerləşən Kariş qaz yatağındakı mübahisəli əraziyə üç pilotsuz uçan aparatın göndərildiyini və bu pilotsuz təyyarələrin öz missiyasını yerinə yetirdiyini açıqladı.

Digər tərəfdən, “Jerusalem Post” qəzeti yazıb: İsrail ordusu tərəfindən 3 pilotsuz təyyarənin vurulması Hizbullahın bölgədəki təhdidlərinin artması və Hizbullahın İsrail sahilləri qarşısındakı qaz platformalarını hədəfə almaq səyləri ilə əlaqədardır.

İsrailə qarşı dron təhlükəsi illər ərzində yavaş-yavaş və mərhələlərlə inkişaf edib. Hizbullah bir neçə ildir ki, bu dronlardan istifadə edir, lakin onlar hər gün daha təhlükəli olurlar.