İsrail ordusu Nablusa hücumlarını gücləndirir

İsrail ordusu İordan çayının qərb sahilində “Dəmir divar” adlandırılan əməliyyatlarını Nablusa qədər genişləndirib. Nablusdakı əl-Ayn qaçqın düşərgəsinə yönələn əməliyyatlarda İsrail əsgərləri evlərə basqın edərək insanları çıxarmağa məcbur ediblər.

İsrail ordusu Qərb Sahilinin şimalında “Dəmir Divar” adlandırdığı əməliyyatlarını Nablus bölgəsinə doğru genişləndirib.

Əməliyyatlar xüsusilə əl-Ayn, Balata və Əskər qaçqın düşərgələrində cəmləşib.

Yeni hərbi əməliyyatın mərkəzi əl-Ayn qaçqın düşərgəsi olsa da, yaxın günlərdə Balata və Əskər düşərgələrini də əhatə edə biləcəyi bildirilir.

İsrail ordusu əl-Ayn sakinlərinə düşərgəyə üç günlük hücuma başlayacağını bildirib.

Bundan əlavə, İsrail ordusu tərəfindən yayılan vərəqələrdə yerli əhali Cenin, Tulkerim və Nur Şəms qaçqın düşərgələrinin taleyi ilə təhdid edilib.

İsrail qüvvələri əl-Ayn qaçqın düşərgəsini mühasirəyə almağa, evlərə basqın etməyə və sakinləri evlərini tərk etməyə məcbur etməyə başladılar. Baş verən hadisələr zamanı plastik güllələr və gözyaşardıcı qaz bombalarından istifadə edilib.

Əl-Ayndakı hərbi əməliyyat hələ Cenin və Tulkərimdə yaşanan dağıntı səviyyəsinə çatmasa da, İsrail ordusu oxşar addımlar atmağa başlayıb.

Nablus şəhərinin məhəllələrini düşərgədən ayıran dəmir yolu xəttinə paralel yolda yerləşən 50-yə yaxın ev təxliyə edilib, sakinlər silah gücünə çıxarılıb.

Nablusdakı fələstinlilər İsrailin əməliyyatlarını artıracağından, Balata və Əskər düşərgələrini də hədəf alacağından qorxurlar.

Şəhər sakinləri mühasirədə yaşayır və yeddi nəzarət-buraxılış məntəqəsi və 30 qapı ilə əhatə olunub. İsrail ordusu bölgədəki yaşayış məntəqələri və kəndlər arasındakı keçidlərə nəzarət edərək əhalinin gediş-gəlişini məhdudlaşdırır.

Nablusdakı əməliyyat ekstremist nazir İtamar Ben-Qvirin İsrail hökumətinə qayıtması ilə eyni vaxtda başlayıb.

Hökumət rəsmiləri İordan çayının qərb sahilindəki qarşıdurmaya son qoyulmalı, ilhaq edilməli və yerli əhali köçürülməlidir.