İsrail ordusunun bazasına mobil telefon sızdı

 İsrail ordusunun sözçüsü etiraf edib ki, bir sıra podratçılar Tel Nof hərbi bazasına gizli şəkildə mobil telefonlar daxil ediblər.

Sizinyolun dünən axşam (19 mart) xarici KİV-lərə istinadən verdiyi məlumata görə, podratçıların bazaya daxil olarkən mobil telefonlarını təhvil verməsi tələb olunan hərbi baza və mərkəzlərdə verilən ümumi təlimatın əksinə olaraq, podratçılardan ikisi yoxlamalara baxmayaraq, mobil telefonlarını bazaya apara bilib.

Mətbuat katibinin sözlərinə görə, bu hərəkət aşkar edildikdən sonra iki podratçı dərhal həbs edilib və baza daxilindən məlumatın çəkilişi və ötürülməsi ehtimalı araşdırılıb.

Sözçü daha sonra iddia edib ki, bazadan bu şəkildə heç bir məlumat sızmayıb, lakin şəxslərin mobil telefonlarında HƏMAS-ı dəstəkləyən məzmun tapılıb.