İsrail ordusunun polkovniki Qəzzada həlak oldu
![İsrail ordusunun polkovniki Qəzzada həlak oldu](https://sizinyol.org/wp-content/uploads/2023/11/israil_esgeri.jpg)
Qəzza zolağının şimalında döyüşlər nəticəsində İsrail Müdafiə Ordusunun daha bir hərbçisi, 33 yaşlı polkovnik-leytenant Salman Xabka ölüb.
Bu barədə İsrail Müdafiə Ordusu məlumat yayıb.
Bildirilib ki, o, Yanux-Catada yerləşən 188-ci “Usbat Barak” zirehli tank briqadasının 53-cü taborunun komandiri olub.
Məlumata görə, Salman Xabka oktyabrın 7-də Beeri qəsəbəsinin HƏMAS silahlılarından azad edilməsi əməliyyatında fəal iştirak edib.
Bildirilib ki, oktyabrın 31-dən noyabrın 2-dək Qəzza zolağında HƏMAS-a qarşı keçirilən quru əməliyyatları nəticəsində İsrailin 18 hərbçisi ölüb.