İsrail ordusunun Qəzzaya hücumu nəticəsində 23 fələstinli həlak olub

İsrail ordusunun Ramazan bayramının üçüncü günü Qəzza zolağının müxtəlif bölgələrinə təşkil etdiyi hücumlarda aralarında uşaqların da olduğu 23 fələstinli həlak olub.
APA xəbər verir ki, son sutka ərzində İsrail ordusu Deyr əl-Bələh, Xan Yunis, Rəfah bölgələrinə və Qəzza şəhərinin müxtəlif bölgələrini vurub.
Hücumlarda çoxlu sayda fələstinlinin yaralandığı bildirilsə də, yaralıların sayı barədə məlumat verilməyib.
Fələstinin Səhiyyə Nazirliyinin verdiyi son açıqlamaya görə, İsrail ordusunun hücumları bərpa etməsindən sonra əksəriyyəti qoca, qadın və uşaq olmaqla 1042-dən çox fələstinli həlak olub, 2542-dən çox insan isə yaralanıb.
İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həlak olanların sayı 50 min 399-a, yaralıların sayı isə 114 min 583-ə yüksəlib.