İsrail ordusunun razılığı ilə Qəzzaya yardım yağışı

BMT və jurnalistlərin əldə etdiyi hesabatlar göstərir ki, İsrail ordusu Qəzzaya göndərilən yardım maşınlarının dəstələr tərəfindən talan edilməsinə səssiz qalıb.

Humanitar yardım rəsmiləri Qəzza zolağına göndərilən yardım maşınlarının İsrail ordusunun sırf razılığı ilə dəstələr tərəfindən talan edildiyini bildirib .

Financial Times- ın əldə etdiyi BMT notunda bu vəziyyət sionist rejim qüvvələrinin “aktiv olmasa da passiv tərəfdarlığı” olaraq təyin olunur .

Haaretz qəzeti bundan əvvəl İsrail ordusunun yaraqlılara Qəzza zolağına daxil olan yardım maşınlarını qarət etməsinə və fələstinlilərə xərac qoymasına icazə verdiyini açıqlamışdı.

Xəbərdə dəstələrin Kerem Əbu Səlim sərhəd qapısından girən yardım maşınlarının əksəriyyətinin qarşısını kəsdiyi və İsrail ordusunun tam nəzarəti altında olan bölgədəki bu vəziyyətə göz yumduğu bildirilib.

Ordunun hadisələrə müdaxilə etməkdən yayındığı, başqa yollardan istifadənin qarşısını aldığı da vurğulanıb.

Qəzzada çalışan mənbələr, “Harqıqlıların bu hücumları İsrail ordusunun gözü qarşısında, cəmi bir neçə yüz metr aralıda baş verir” deyib.

Yardım təşkilatları hücuma məruz qalan yük maşınları ilə bağlı İDF ilə əlaqə saxladıqlarını, lakin rejim ordusunun müdaxilə etməkdən imtina etdiklərini bildirib.

Digər tərəfdən, quldur dəstələri tərəfindən talan edilən yardım ləvazimatları , İsrailin intensiv kəşfiyyat uçuşlarına baxmayaraq, açıq hava obyektlərində saxlanılır .

Bu mallar daha sonra fələstinlilərə baha qiymətə satılır .