İsrail Qəzzaya hücumu davam etdirmək niyyətindədir

 İsrailin Kanal 12 televiziyası bu gün səhər saatlarında, Təl-Əviv kabinetinin Qəzzaya hücumları davam etdirmək niyyətində olduğunu və yaxın 24 saat ərzində təcili təhlükəsizlik iclasının keçiriləcəyini bildirib.

Sizinyolun xarici KİV-lərə istinadən verdiyi məlumata görə, İsrailin 12-ci telekanalı bu gün səhər (19 mart) bildirib: Benyamin Netanyahu Qəzzaya hücumların bərpasından sonra yaxın 24 saat ərzində təcili təhlükəsizlik məsləhətləşmələri keçirəcək. Bu məsləhətləşmələrin məqsədi girovların həyatını təhlükəyə atmadan Qəzza zolağında mümkün hədəflərin xəritəsini çıxarmaqdır.

 Təhlükəsizlik aparatı təsdiqləyib ki, indiyədək bütün hücumlar girovların olmadığı yerləri hədəf alıb.

İsrail təhlükəsizlik rəsmiləri kanala elan edib: Təhlükəsizlik aparatı hücumları bərpa edərkən girovlara zərər vurma ehtimalının nəzərə alınmasının vacibliyini vurğulayıb. Həmişə naməlum element var və biz hər şeyi bilə bilmərik.