İsrail rəsmisi: “HƏMAS danışıqlarda qeyri-mümkün şərtlər irəli sürür”
“Fələstinin HƏMAS radikal hərəkatı Qəzzada saxlanılan girovların azad edilməsi təklifindən imtina etməkdə davam edir və anklavda vəziyyətin nizamlanması üzrə danışıqlarda qeyri-mümkün şərtlər irəli sürür”.
Oxu.Az-ın TASS-a istinadən xəbərinə görə, bu sözləri İsrail hökumətinin rəsmi nümayəndəsi David Menser brifinqdə çıxışı zamanı deyib.
“HƏMAS israrla imtinaya davam edir və qəbuledilməz şərtlər irəli sürür”, – deyə o bildirib.
“Son məlumatlara görə, İsrail hələ də vasitəçilər üzərindən HƏMAS-dan rəsmi cavab gözləyir. Lakin hazırda mən deyə bilərəm ki, HƏMAS İsrailin artıq razılaşdığı girovların azad edilməsi təklifindən imtina etməkdə davam edir”, – deyə Menser əlavə edib.
